Mufti na Sheikh mkuu wa Tanzania Sheikh Aboubakar Zubeir, amezitaka jamii
kuelekeza nguvu kusaidia watoto yatima wa majumbani, kwani ni kundi
ambalo limesahaulika zaidi katika jamii.
Mufti ameyasema hayo katika tukio la harambee ya ujenzi wa kituo cha kijamii
na vifaa vya shule kwa watoto yatima wa majumbani lililofanyika tarehe 26
Novemba 2023 Hyatt Regency Hotel jijini Dar es Salaam.
“Niwapongeze kwa kuanzisha taasisi kama hii kwani ingekuwa watu wanajua
wale mayatima wangekaa huko majumbani na misaada kupelekwa wakiwa na
familia zao ili mtoto yatima aone huyu anaesimamia mambo yangu ndio
mama au baba mwenyewe”.
Aidha ameipongeza taasisi ya Volunteers In Development (VID) kwa kazi
kubwa wanayoifanya na kuwafungulia mlango wa BAKWATA kushirikiana nao
katika masuala mbalimbali ya ili kuleta maendeleo pamoja.
Kwa upande mwingine, Meneja wa VID amezishukuru taasisi na wadau
mbalimbali waliojitokeza kuunga mkono jitihada hizo kwani ujenzi wa
maendeleo ya jamii unahitaji nguvu toka kwa wadau mbalimbali.