Taasisi ya Volunteers In Development (VID) inayosaidia watoto yatima wa

majumbani wajane na wasiojiweza, iliyopo jijini Dar es Salaam, imewataka

wadau mbalimbali kujitokeza katika zoezi la ujenzi wa kituo cha kijamii

ambacho kitakuwa msaada mkubwa wa makundi hayo.

Hayo yamesemwa na Mwenyekiti wa taasisi hiyo Bi. Tune Shaabani, na

kusema kuwa jengo hilo litakuwa na huduma mbalimbali zitakazo nufaisha

jamii wanayoisaidia ikiwa ni pamoja na elimu ya awali, elimu ya ujuzi,

madarasa ya kompyuta.

“Jengo hili litakuwa na nursary clasess, computer clases na masuala ya

ujasiriamali. Tunawaomba wadau watuunge mkono katika hili kwani si lazima

mtu atupatie fedha moja kwa moja bali anaweza kuchangia mahitaji ya ujenzi

kama simenti, nondo na vifaa mbalimbali vya ujenzi” amesema.

Kwa upande wake Khadija Sheikh amesema, ujenzi wa jengo hilo utakuwa

kama kivuli kwani utasaidia taasisi kupunguza kuomba misaada kwa wadau

mbalimbali kwani kitakachopatikana kutokana na shughuli za kila siku,

utawezesha kazi mbalimbali zinazofanyika kutimia.

Taasisi ya Volunteers In Development (VID) ni taasisi na shirika lisilo la

kiserikali lililo chini ya wanawake ambalo lilisajiliwa rasmi mwaka 2014. VID

imejikita kuwasaidia watoto yatima wa majumbani, wajane, watu wasiojiweza

ili kuleta maendeleo endelevu katika jamii zetu na kuondoa pengo la usawa.